Пайвандҳои дастрасӣ

Дар Покистон афроди номаълум 7 сарбозро рабуданд


Мақомоти низомии Покистон мегӯянд, афроди мусаллаҳ 7 сарбози нируҳои ҳукуматиро рабудаанд. Ба гуфтаи онҳо, ин сарбозон дар минтақаи Ҷанд аз дохили автобусе рабуда шудаанд. Ҷанд шаҳраки хурде дар аёлати Панҷоб аст.

Сарбозон бо автобус аз ситоди артиш дар Равалпиндӣ ба ҷои хидмати худ ба Хайбари аёлати Паштунхво бармегаштанд.

Ҳафтаи гузашта одамрубоён 23 нафар афроди амниятии қабоилро низ рабуда буданд. Баъдтар Толибон гуфтанд, ки тундравҳо 21 нафари онҳоро ба қатл расондаанд. Як сарбоз бо ҷароҳат ва сарбози дигар бидуни осеб аз гаравгонӣ фирор карданд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG