Пайвандҳои дастрасӣ

Федератсияи футболи Тоҷикистон бар асоси назарпурсӣ беҳтарин бозигар, мураббӣ ва довари моҳи ноябрро муайян кард.

Ҳамлагари дастаи «Равшан»-и Кӯлоб ва тими мунтахаби ҷавонони Тоҷикистон Наврӯз Рустамов беҳтарин бозигар, сармураббии дастаи «Равшан» Маъруф Рустамов беҳтарин мураббӣ ва душанбегӣ Раҳмон Муртазоев беҳтарин довар эътироф шуданд.

Беҳтаринҳои моҳи ноябр бо ҷоизаҳои Федератсияи футболи Тоҷикистон ҳар кадом ба маблағи 500 сомонӣ сарфароз мешаванд.

Ёдовар мешавем, ки беҳтарин бозигар, мураббӣ ва довари моҳро мутахассисони соҳа бар асоси назархоҳӣ муайян мекунанд. Ин назархоҳӣ моҳи майи соли равон шурӯъ шуда буд.

Намоиши шарҳҳо

XS
SM
MD
LG