Пайвандҳои дастрасӣ

Coca-Cola ба Тоҷикистон сармоягузорӣ мекунад


Масъулoни тоҷик мегӯянд ширкати маъруфи ҷаҳонӣ, Coca Cola ният дорад, ба Тоҷикистон дар ҳаҷми 30 миллион доллари амрикоӣ сармоягузорӣ кунад.

Тибқи иттилои Кумитаи сармоягузорӣ ва идораи амволи давлатӣ созиш дар ин бора ҳафтаи ҷорӣ сурат гирифтаст.

Ширкати Coca Cola изҳор доштааст, ки 30 миллион доллар барои роҳандозии истеҳсоли нӯшокиҳо масраф гардида, имкон дорад, дар оянда ҳаҷми маблағгузорӣ ду маротиба бештар гардад.

То ҳол ин ширкат дар кишварҳои дигари Осиёи Марказӣ, аз ҷумла Қирғизистон, Туркманистон ва Қазоқистон истеҳсоли маҳсулоташро ба роҳ мондаст, вале Тоҷикистон бо маҳсулоти Coca Cola аз ҳисоби воридот таъмин мешавад.
XS
SM
MD
LG