Пайвандҳои дастрасӣ

Никола Кавазович муваққатан Тоҷикистонро тарк кард


Никола Кавазович, сармураббии дастаи миллии футболи Тоҷикистон.

Никола Кавазович, сармураббии дастаи миллии футболи Тоҷикистон.

Никола Кавазович, сармураббии тими миллии футболи Тоҷикистон ва дастаи «Истиқлол»-и Душанбе, ба иллати вазъи саломатиаш муваққатан Тоҷикистонро тарк кард.

Дар ин бора ба “Озодӣ” Фаридун Солиев, сухангӯи бошгоҳи футболи “Истиқлол”, хабар дод. Вай афзуд, ”мутахассиси сербиягӣ Никола Кавазович рӯзи 21-уми ноябр ба Белград парвоз кард. Ба ӯ чанд муддат оромӣ зарур аст. Баъди Соли нав Кавазович боз ба Душанбе бармегардад. Дар се бозии охирини мусобиқаи қаҳрамонии футболи Тоҷикистон бо дастаҳои “Хуҷанд»-и Хуҷанд (22-юми ноябр), «Энергетик»-и Душанбе (25-уми ноябр) ва «Равшан»-и Кӯлоб (29-уми ноябр) ба “Истиқлол” мураббии калон Мубин Эргашев раҳбарӣ мекунад.”

Ба дастаи «Истиқлол», ки дар ҳамин ҳол бо 47 имтиёз дар ҷадвали мусобиқаи Лигаи олии кишвар баъди тимҳои “Равшан”-и Кӯлоб, “Регар-ТадАЗ”-и Турсунзода ва «Хайр»-и Ваҳдат дар зинаи чаҳорум ҷойгир шудааст, барои ба даст овардани медалҳои биринҷӣ дар се бозии мавқуфгузошта шаш имтиёз ба даст овардан зарур аст.

Намоиши шарҳҳо

XS
SM
MD
LG