Пулиси Маскав дирӯз як шаҳрванди 25-солаи Тоҷикистонро бо гумони даст доштан дар як силсила мавридҳои таҷовуз ба номус дар ноҳияи Бутовои пойтахти Русия дастгир кардааст. Мардеро, ки шабҳо дар боғи Бутово ба занони танҳо ҳамла мекард, дар матбуоти Русия “маняки Бутово” лақаб додаанд. Аммо мақомоти пулис муҳтотона мегӯянд, эҳтимоли даст доштани ин шаҳрванди тоҷик дар 10 мавриди таҷовуз ба номус дар боғи Бутово дар ҳоли ҳозир танҳо тафтиш мешавад.