Як бомбгузори маргталаб дар канораҳои шаҳри Карочии Покистон болои нерӯҳои ниманизомии амниятӣ ҳамла кардааст. Сухангӯи ин нерӯи ниманизомӣ гуфт, ки ҳамла рӯзи панҷшанбе тавассути мошини саршор аз маводи мунфаҷир дар минтақаи зисти онҳо ба амал омад ва дар натиҷаи он 2 нафар куштаву 19 каси дигар ҷароҳат бардоштанд. Нерӯи ниманизомӣ, ки бо номи ренҷерҳо маъруф мебошад, дар таҳкими назму субот ба полиси Карочӣ кумак мерасонад. То ҳол касе масъулияти ҳамларо бар дӯш нагирифтааст.
Бомбгузории маргталабона дар Карочии Покистон
