Пайвандҳои дастрасӣ

Барои ниругоҳи Норак чархаи нав оварданд


Барои таъмири ниругоҳи Норак аз Украина ба фурудгоҳи Душанбе як чархаи нав оварданд. Дар ин бора ширкати “Барқи Тоҷик” хабар додааст.

Ин чархаро ширкати "Турбоатом"-и Украина сохтааст. Арзиши чарха 4 миллион доллар ва интиқоли он аз роҳи ҳавоӣ то ба Душанбе бо ҳавопаймои Ан-225 "Мрия" 880 ҳазор долларро ташкил додааст.

“Барқи Тоҷик” гуфтааст, баъд аз насби чархаи нав тавоноии тавлиди барқ дар чархаи шумораи 8 10 МВт боло меравад ва 335 МВт-ро ташкил медиҳад. Ҳоло ниругоҳ 9 чарха дорад ва 3 ҳазор МВт барқ тавлид мекунад.
XS
SM
MD
LG