Пайвандҳои дастрасӣ

logo-print

Футболбозони навраси тоҷик ба ниманиҳоӣ роҳ ёфтанд


Тими футболбозони то 17 солаи тоҷик (U-17) дар даври саввуми гурӯҳии сабқати байналмилалии Ҷоми раисиҷумҳури Туркманистон бар ҳарифони белорусии худ бо ҳисоби 2:1 пирӯз шуд ва ба даври ниманиҳоии ин мусобиқа роҳхат гирифт. Дар ин бозии ҳалкунанда Комрон Турсунов, ҳамлагари ҷавони тими «Регар- ТадАЗ»-и Турсунзода ба дарвозаи ҳарифони белорусии худ 2 тӯб ворид кардааст. Тими наврасони Тоҷикистон дар гурӯҳи «В» ҳунарнамоӣ мекунад. Онҳо дар даври аввал аз тими наврасони Украина бо ҳисоби 3:0 шикаст хӯрда ва дар даври дуввум тими наврасони Узбакистонро бо ҳисоби бузурги 4:0 мағлуб карданд. Рақиби тими наврасони футболи Тоҷикистон дар даври ниманиҳоии Ҷоми раиси ҷумҳури Туркманистон, дертар муайян хоҳад шуд. Маблағи ҷоизаи Ҷоми раисиҷумҳури Туркманистон 35 ҳазор доллари амрикоист. Ғолиби ин мусобиқа 20 ҳазор доллар, мақоми дуввум 10 ҳазор доллар ва барандаи ҷои саввум 5 ҳазор доллар дарёфт хоҳад кард.
XS
SM
MD
LG