Кумитаи интизомии Федеросиюни футболи Тоҷикистон мудири тими «Хуҷанд» Ҷамшед Марофиевро барои 5 сол аз ҳаққи фаъолият дар риштаи футбол маҳрум кард. Марофиев дар бозии даври 15 байни «Хуҷанд»-у «хайр»-и Ваҳдат довари ҳошия Баҳром Саъдуллоевро як мушт задааст. Федеросиюн аз раҳбарони вилояти Суғд ҳам хост, ки Ҷамшед Марофиевро аз мақоми мудири тими «Хуҷанд» барканор кунанд.