Хабарнигори Радиои Озодӣ аз Кобул иттилоъ медиҳад, ки собиқ додситони кулли Афғонистон Абдуҷаббор Собит бо нерӯҳои амниятӣ дар тамос шуда, хабар додааст, ки баъди 11 моҳи асорат ӯ раҳо шудааст. Тибқи гузоришҳои расида гурӯҳи силоҳбадаст дар моҳи октябри соли 2011-ум дар Кобул Собитро рабуда буд. То ҳанӯз маълум нест, ки кадом гурӯҳ масъули гаравгонгирии Собит будааст. Сухангӯи ҳукумати Афғонистон Самиулло Майахейл мегӯяд, Собит бо оилааш пайвастааст.