Мақомоти Русия мегӯянд, гумонбари қатли ду зан дар шаҳри Қазон мехост бо навиштани паёми марбут ба гурӯҳи Pussy Riot дар маҳалли куштор пулисро гумроҳ кунад. Аҷсоди як зани 38-сола ва модари 76-солаи ӯ рӯзи панҷшанбе ёфт шуд. Дар паҳлуи аҷсод дар девор зоҳиран бо хун ин паёмро навишта буданд, ки “Озодӣ ба Pussy Riot!" Дар қатли ин ду зан Игор Данилевский, устоди 38-солаи донишгоҳи Қазон гумонбар шудааст. Се узви гурӯҳи панки Pussy Riot бо ҷурми “авбошӣ дар заминаи адовати мазҳабӣ” дусолӣ ҳукми зиндон гирифтаанд.