Пайвандҳои дастрасӣ

logo-print

Навалний бо ташкили дуздии пул муттаҳам шуд


 Алексей Навалний

Алексей Навалний

Мақомоти Русия пешвои мухолифини ин кишвар блогнавис Алексей Навалнийро бо ташкили дуздии маблағ аз муассисаи коркарди чӯб муттаҳам намуда, ба ӯ дастур додаанд, ки Маскваро тарк накунад.
Рӯзи сешанбе аснои зиёрат аз Кумитаи тафтишот Навалний бо ин дастур ошно шуд. Мақомоти Русия таҳқиқи дубораи ин парвандаро, ки ду сол пеш бар зидди Навалний боз карда буданд, амр додаанд.
Муфаттишон бар ин назаранд, ки дар моҳҳои апрел-августи соли 2009-ум ба шарофати амалҳои Навалний муассисаи коркарди чӯби вилояти Киров беш аз як миллион рубли русӣ ё худ наздик ба 31 ҳазор доллар зиён дид.
Навалнийи 36-сола он замон мушовири волии вилояти Киров буд.
Агар гуноҳи ӯ собит шавад, Навалний метавонад ба муддати даҳ сол зиндонӣ шавад. Навалний айбномаро комилан беасос номидааст.
XS
SM
MD
LG