Пайвандҳои дастрасӣ

logo-print

Ҳалокати 14 сокини осоишта дар таркишҳо дар Қандаҳор


Дар ҷануби Афғонистон бар асари ду таркиш дасти кам 14 сокини осоишта ба ҳалокат расиданд. Дар мавзеъи Арғистони вилояти Қандаҳор автобуси хурд бо мусофирон ба минаи рӯи раҳ бархӯрд. Вақте, ки як трактор барои имдоди осебдидагон ба ҷойи ҳодиса омад, таркиши дуюм ба вуқуъ пайваст.

Масъулияти ҳодисаро ҳанӯз касе бар ӯҳда нагирифтааст.

Як рӯз аз ин пеш бар асари таркишу тирандозиҳо дар ҷануби Афғонистон 11 нафар, аз ҷумла, 4 кудак, кушта шуданд.

Ба иттилои СММ, соли 2011 дар Афғонистон 3021 тан аз сокинони осоишта ҷон бохтанд.
XS
SM
MD
LG