Пайвандҳои дастрасӣ

Қотилони Холмӯъмин Сафаров шиносоӣ нашудаанд


Холмӯъмин Сафаров

Холмӯъмин Сафаров

Мақомот мегӯянд, дар робита ба куштори Холмӯъмин Сафаровдар Душанбе ҳанӯз касе боздошт нашудааст.

Бо гузашти ду рӯз аз қатли Холмӯъмин Сафаров-раҳбари Муассисаи хоҷагии ҷангал ва шикори Кумитаи ҳифзи муҳити зисти Тоҷикистон ва шавҳари хоҳари Эмомалӣ Раҳмон-раиси ҷумҳур ҳанӯз омилони ин сӯиқасд шиносоӣ ва сабабҳои он ошкор нашудааст.

Ҷамшед Сангов-сардори Раёсати тафтишоти ҷиноятҳои сангини Додситонии кулли Тоҷикистон рӯзи ҷумъаи 15-уми июн дар сӯҳбат бо Радиои Озодӣ гуфт, "ҳоло тафтишот ҷараён дорад. Аммо то кунун гумонбарон нестанд. Пурсиш дорем, аммо ҳанӯз ягон сабабе рӯшан нашудааст."

Абдураҳмон Бузмаков-сардори раёсати корҳои дохилии шаҳри Душанбе, низ танҳо ин нуктаро зикр кард, ки дар ҳоли ҳозир тафтишоти қазия ҷараён дорад ва касе чун гумонбар боздошт нашудааст.
XS
SM
MD
LG