Пайвандҳои дастрасӣ

logo-print

Додгоҳи Маскав ду сартарошидаро ҷазо дод


Додгоҳи шаҳри Маскав ду сартарошидаро барои ҳамла ба мардуми ғайрирус ба зиндон маҳкум кардааст. Ба иттилоъи хабаргузории “Интерфакс”, Георгий Голованови 18-сола ва Евгений Маренчуки 21- сола дар заминаи адоват ба хориҷиён, шаҳрвандони Тоҷикистону Муғулистонро ханҷар зада ва як муҳоҷири ӯзбакро куштаанд. Аммо додгоҳ иттиҳоми қатли муҳоҷири ӯзбак дар заминаи адовати миллиро беасос дониста ва ҳардуро танҳо бо гуноҳи ҳамла ба мардуми ғайрирус аз 6 то 8 соли зиндон маҳкум кардааст. Ҷавонони тоссари рус соли 2010 чунин ҷиноят кардаанд. Русия тайи солҳои ахир шоҳиди авҷ гирифтани бегонаситезӣ шудааст ва солона даҳҳо нафар дар ин кишвар қурбони дасти миллатгароён мешаванд.
XS
SM
MD
LG