Дар ҷараёни боздиди Эмомалӣ Раҳмон-раиси ҷумҳури Тоҷикистон аз Чин ба оқои Раҳмон шаҳрванди ифтихории Шонгҳой дода шуд. Се Хайбо-шаҳрдори Шонгҳой ба вай “Калиди тиллоӣ” ва санади шаҳрванди ифтихориро эҳдо кард. Бино ба хабарҳои матбуотӣ, раиси ҷумҳури Тоҷикистон аз ширкати “Зи Ҷин” боздид кардааст. Ин ширкат соҳиби саҳмияҳои корхонаи “Зарафшон”-и Тоҷикистон мебошад.