Ширкатҳову корхонаҳои пойтахти Тоҷикистон барои баргузории “тӯйи дастаҷамъӣ”-и 60 ҷуфт аз хонаводаҳои фақир 451 000 сомонӣ, муодили беш аз 90 000 доллар ҷамъ овардаанд. Ин маърака ба муносибати солгарди 15-уми имзои созишномаи сулҳ дар маркази тиҷории “Душанбе-Плаза” барпо хоҳад шуд. 11 ширкату корхонаи бузург, аз ҷумла “Вавилон”, “Индиго”, “Тоҷикмебел” ва бозори “Султони Кабир” ҳар кадом барои ин тӯй 41 000 сомонӣ хайр кардаанд.