Пайвандҳои дастрасӣ

logo-print

Миср тарҳи террори сафири Саудиро рад кард


Бинои сафорати Арабистони Саудӣ дар Қоҳира.

Бинои сафорати Арабистони Саудӣ дар Қоҳира.

Манобеи расмии давлати Миср хабарҳои нашршуда дар бораи тавтеаи террори сафири Саудӣ дар Қоҳира аз сӯи 3 эрониро рад карданд.

Ин хабарро қаблан рӯзномаи "Ал-ҳаёт" нашр карда буд.

Хабаргузории давлатии «Аш-шарқ ал-авсат»-и Миср ва ҳамчунин телевизиони давлатии ин кишвар ба нақл аз як мақоми масъул, ки нахостааст номаш фош шавад, гузориши рӯзномаи "Ал-ҳаёт" дар хусуси кашф ва хунсо шудани тавтеаи террори Аҳмад Абдулазиз Қаттон, сафири Арабистони Саудӣ дар Қоҳираро такзиб кард.

Ин мақоми масъул гуфтааст: «Он чӣ нашр шудааст, дуруст нест. Сафири Саудӣ дар Миср аз рӯзи оғоз ба кор кардани худ то рӯзи тарки Қоҳира дар рӯзи шанбеи гузашта, дар баробари ҳеҷ тавтеа қарор нагирифтааст."

Сомӣ Ҷамол, як мушовири ҳуқуқии сафорати Арабистони Саудӣ дар Миср, рӯзи сешанбе ба рӯзномаи "Ал-ҳаёт" гуфта буд, чанд моҳ пеш нақшае, ки аз сӯи се эронӣ барои террори сафири Арабистони Саудӣ дар Қоҳира тарҳрезӣ шуда буд, қабл аз иҷро фош шуд ва ин барнома ноком монд.

Равобити Арабистони Саудӣ ва Миср дар ҳоли ҳозир дучори таниши ҷиддӣ аст. Пас аз дастгирии як вакили ҳуқуқи башари мисрӣ дар Арабистон, дар Қоҳира эътирозоте алайҳи ин иқдоми сурат гирифт. Риёз дар вокуниш ба ин эътирозҳо сафири худ аз ин кишварро фаро хонд.

Ба гузориши хабаргузории давлатии Арабистони Саудӣ, сафорати ин кишвар дар Қоҳира ва низ консулгариҳои ин кишвар дар шаҳрҳои Искандария ва Суес дар ҳоли ҳозир баста мебошанд.
XS
SM
MD
LG