Додгоҳи ноҳияи Останкинои шаҳри Маскав ду шаҳрванди Тоҷикистонро бо ҷурми қасди бомбгузорӣ ва ҳифзи маводи мунфаҷира ба муддати 2,5-солӣ маҳкум ба зиндон кардааст. Тафтишот мегӯяд, Акбарҷон Отабоев ва Алишер Отаҷонзода бо амри Акмал Ғафуров, ки раҳбари шӯъбаи гурӯҳи мамнӯъи мазҳабии Ҳизб-ут-Таҳрир дар пойтахти Русия шинохта мешавад, мехостанд як роҳи оҳанро битарконанд. Аммо додгоҳ Ғафуровро ба маҳзи ҳамкориаш бо тафтишот аз масъулият маоф кард. Фаъолияти Ҳизб-ут-Таҳрир, ки барои таъсиси хилофати исломӣ дар Осиёи Марказӣ мубориза мебарад, дар Русия аз соли 2003 бо қарори Додгоҳи олиаш манъ шудааст.