Владимир Путин, ки моҳи май ба курсии раёсатҷумҳурии Русия бар хоҳад гашт, имрӯз бори охир дар парлумон ба ҳайси сарвазир суханронӣ кард. Путин тамоми гурӯҳҳои сиёсиро ба ҳамкорӣ хонд ва аз дастовардҳои 4 соли раҳбариаш дар раёсати кобина тавсиф кард. Аммо истиқбол аз ӯ дар Думаи давлатӣ инбор яксон набуд. Вакилони ҳизби Русияи боадолат ба нишони эътироз ба баҳси интихоботи шаҳрдори Аштархон ҳатто тарки толор карданд.
