Гулнора Каримова-духтари раиси ҷумҳури Узбакистон мегӯяд, ки албоми нави таронаҳояш омодаи нашр аст. Гулнора, ки дар кишвари худ ҳам тарафдорон ва ҳам бадбинон дорад, дар шабакаи иҷтимоии Twitter гуфтааст, ки таронаҳои албоми нави вай аз таҷрибаи ҳаётиаш гирифта шудааст. Гулнора вақти дақиқи нашри албомашро нагуфтааст, вале дар сафҳаи интернетии вай ин таронаҳо гузошта шудаанд. Дар ин бора хабаргузории Ассаошиейтед Пресс иттилоъ додааст.
