Пайвандҳои дастрасӣ

Варзишгарони тоҷик дар мусобиқаи қаҳрамонии ҷаҳон оид ба каратэ-до дар намуди шотокан дар шаҳри Истамбули Туркия 11 медал ба даст оварданд.

Ба иттилои Федеросиюни каратэ-дои ҷумҳурӣ дар ин сабқати ҷаҳонӣ, ки бо ширкати беш аз 2000 варзишгар аз 23 кишвар баргузор шуд, Тоҷикистонро 11 варзишгар (5 духтару 6 писар), як мураббӣ ва як довар намояндагӣ карданд.

Дар сабқати духтарон Гулосори Сӯҳроб дар вазни 50 кг ва дар сабқати писарон Сӯҳроб Юсуфов (миёни наврасони 16-17-сола) ба унвони қаҳрамонӣ даст ёфта, бо медалҳои тилло мукофотонида шуданд.

Варзишгарони дигари тоҷик - Шаҳбоз Бӯриев ва Фахриддин Расулов, ки ҷойҳои дувумро касб карданд, бо медалҳои нуқра сарфароз гаштанд. Ҳафт нафари дигар медалҳои биринҷӣ ба даст оварданд.

Андешаи Шумо

Намоиши шарҳҳо

XS
SM
MD
LG