Дар бемористони бемориҳои равонии донишгоҳи Пистбурги Амрико дар як тирандозӣ баъд аз нисфирӯзии панҷшанбе 2 нафар кушта, 7 нафари дигар ҷароҳат бардоштаанд. Бино ба гузоришҳои пулиси маҳаллӣ, яке аз кушташудагон марди мусаллаҳ будааст. То ҳол маълум нест, ки 7 нафари захмӣ кормандони бемористон ҳастанд, беморон ё аъзои хонаводаи онҳо. Маркази тиббии донишгоҳи Питсбург гуфтааст, ки баъзе афроди тирхӯрдаро ба он ҷо овардаанд, вале дар бораи шумораи онҳо ва вазъи саломтаии онҳо тавзеҳот надодааст.