Ба иттилои Валерий Турсунов, муовини аввали раиси Федеросиюни футболи Тоҷикистон, ин мутахассиси 35-солаи босниягиро имрӯз, 1-уми март, ба аъзои дастаи мунтахаби миллии кишвар муаррифӣ карданд.
Ӯ бо ҳамватанаш Камол Алиспоҳичи 46-сола, сармураббии тими миллии Тоҷикистон, футболбозони тоҷикро ба сабқати ниҳоии Ҷоми даъвати AFC (Конфедеросиюни футболи Осиё) омода хоҳад кард.
Тими миллии кишвар дар сабқати ниҳоии Ҷоми даъвати AFC-2012 дар Непал (8-18 март) дар гурӯҳи «В» бо тимҳои миллии Кореяи Шимолӣ, Ҳиндустон ва Филиппин рақобат мекунад. Ғолиби ин сабқат ба марҳилаи ниҳоии Ҷоми Осиё-2015, ки дар Австралия доир хоҳад шуд, роҳхат мегирад.
Алмир Сеферович ҳамроҳ бо Алиспоҳич дар бошгоҳҳои футболи «Сараево» (Босния), «Железничар» (Босния), «Ал-Иттиҳод» (Сурия) кор кардааст.
Ӯ пеш аз кори мураббигӣ ба ҳайси футболбоз дар хатти дифои «Олимпик» (Сараево), «Вележ» (Мостар), «Единство» (Бихач) бозӣ кардааст.
Хатмкардаи Донишкадаи варзиши Сараево мебошад ва дар бошгоҳҳои «Динамо»-и Загреб ва «Ганновер»-и Олмон таҷриба андӯхтааст.
Ӯ бо ҳамватанаш Камол Алиспоҳичи 46-сола, сармураббии тими миллии Тоҷикистон, футболбозони тоҷикро ба сабқати ниҳоии Ҷоми даъвати AFC (Конфедеросиюни футболи Осиё) омода хоҳад кард.
Тими миллии кишвар дар сабқати ниҳоии Ҷоми даъвати AFC-2012 дар Непал (8-18 март) дар гурӯҳи «В» бо тимҳои миллии Кореяи Шимолӣ, Ҳиндустон ва Филиппин рақобат мекунад. Ғолиби ин сабқат ба марҳилаи ниҳоии Ҷоми Осиё-2015, ки дар Австралия доир хоҳад шуд, роҳхат мегирад.
Алмир Сеферович ҳамроҳ бо Алиспоҳич дар бошгоҳҳои футболи «Сараево» (Босния), «Железничар» (Босния), «Ал-Иттиҳод» (Сурия) кор кардааст.
Ӯ пеш аз кори мураббигӣ ба ҳайси футболбоз дар хатти дифои «Олимпик» (Сараево), «Вележ» (Мостар), «Единство» (Бихач) бозӣ кардааст.
Хатмкардаи Донишкадаи варзиши Сараево мебошад ва дар бошгоҳҳои «Динамо»-и Загреб ва «Ганновер»-и Олмон таҷриба андӯхтааст.
