Пайвандҳои дастрасӣ

logo-print

Ҳалокати боз ду нафар дар тазоҳурот дар Қундуз


Эътирозҳо дар Афғонистон идома доранд

Эътирозҳо дар Афғонистон идома доранд

Имрӯз дар ҷараёни эътирозҳо алайҳи сӯзонида шудани нусхаҳои Қуръони шариф аз сӯи низомиёни пойгоҳи низомии Багром дар вилояти Қундузи Афғонистон ду кас ба ҳалокат расиданд. Дар ин вилоят эътирозгарон ба пойгоҳи низомӣ норинҷак андохтанд, ки дар натиҷа ҳафт низомии амрикоӣ маҷрӯҳ шуданд.

Имрӯз Ҳомид Карзай беэҳтиромӣ нисбати Қуръони каримро шадидан маҳкум кард ва аз афғонҳо хост, ки орому сабур бошанд.

Раисиҷумҳури Афғонистон баъд аз панҷ рӯзи эътирозҳо алайҳи сӯзонида шудани нусхаҳои Қуръони карим дар пойгоҳи ҳавоии амрикоии Багром, дар як нишасти хабарӣ дар Кобул гуфт, ки ҳукумат ин қазияро ҷиддан пайгирӣ мекунад. Карзай афзуд, ки мавзӯи беэҳтиромӣ нисбати китоби муқаддаси мусалмонҳоро ҳафтаи оянда дар сӯҳбат бо Барак Обама низ матраҳ хоҳад кард ва хостори он хоҳад шуд, ки сарбози амрикоии муҷрим ҳатман ба додгоҳ кашида шавад.

Сарвари Афғонистон аз афғонҳо даъват кард, то нагузоранд, ки душманон аз тазоҳуроти онҳо сӯиистифода ва кишварро дубора ба хатар мувоҷеҳ кунанд.

Бар асари тазоҳуроти зиддиамрикоӣ дар манотиқи гуногуни Афғонистон беш аз 30 нафар кушта шуда ва садҳо каси дигар ҷароҳат бардоштанд.
XS
SM
MD
LG