Пайвандҳои дастрасӣ

logo-print

Теъдоди қурбониёни таркиш дар Пешовар афзоиш ёфт


Теъдоди қурбониёни таркиш дар истгоҳи автобусҳои шаҳри Пешовари Покистон ба 15 нафар расид.

Мион Ҳусайн, вазири иттилооти вилояти Хайбар Пахтунхва гуфт, ки "таркиш маргталабона набуд, маводи тарканда дар мошин гузошта шуда буд ва онро аз дур мунфиҷир карданд. 15 нафар кушта ва 35 нафар маҷрӯҳ шуданд, вазъи дасти кам 5 нафар сангин аст. Мутаассифона, теъдоди кушташудагон метавонад афзоиш ёбад. Ин гуна ҳамлаи мудҳиши террористӣ дар ин ҷо кайҳо боз сурат нагирифта буд".

Қурбониёну осебдидагони таркиш асосан мусофирони автобусҳои байнишаҳриянд.

То ҳанӯз ягон гурӯҳ масъулияти ин ҳамларо бар ӯҳда нагирифтааст ва аммо мақомот ангушти иттиҳом сӯи толибон кардаанд, ки дар ин минтақа ҳузури чашмгир доранд.
XS
SM
MD
LG