Раисиҷумҳури Афғонистон Ҳомид Карзай сарони ҷунбиши Толибонро ба гуфтушуниди рӯбарӯ даъват кард ва аз Покистон хост, дар ин амр ёрӣ диҳад. Пештар Карзай гуфта буд, ҳукуматаш ҳамарӯза бо Толибон дар тамос аст ва тавонистааст, бо раҳбари он Мулло Умар ғайримустақим гуфтугӯ кунад. Узви Шӯрои Олии Сулҳи Афғонистон Исмоили Қосимёр ба Радиои Озодӣ гуфт, ба ин гуфтушунидҳо хушбин аст.
