Пайвандҳои дастрасӣ

Хабари нав

Ғолибони мусобиқаи лижаронии кӯҳии Тоҷикистон


Дар урдугоҳи Сафеддара, 60-километрии шимоли Душанбе, мусобиқаи кушодаи лижаронии кӯҳии Тоҷикистон баргузор шуд.

Ибодулло Қурбонов, раиси Ассотсиатсияи намудҳои зимистонаи варзиши Тоҷикистон, ба “Озодӣ” гуфт, дар ин мусобиқа 60 лижарон дар ҳайати се даста аз шаҳри Душанбе, мавзеи Хоҷаобигарм ва мактаби махсуси варзишии захоири олимпӣ ширкат кард.

Дар сабқати бузургсолон Баҳриддин Ғоибов ба унвони қаҳрамонӣ даст ёфт. Камолиддини Низом мақоми дувум ва Наврӯз Мардонов мақоми севумро касб карданд.

Дар сабқати ҷавонон Ҷовиди Каромиддин ғолиб шуд. Амриддин Ятимов дар ҷойи дувум ва Айниддини Шарофиддин дар ҷойи севум қарор гирифтанд.

Сабқати наврасон бо ғалабаи Соҳибназари Турсунмурод хотима ёфт. Ҷомии Каромиддин дувум ва Қадриддин Ятимов севум шуданд.

Миёни хурдсолон Маҳмудҷон Эшонов ғолиб омад. Дилшоди Миралӣ ҷойи дувум ва Рафиқони Абдураҳим ҷойи севумро касб карданд.

Дар байни кӯдакон Баракати Шамсулло пирӯз гардид. Саидашроф Эмомов дар ҷойи дувум ва Сайфиддини Низом дар ҷойи севум қарор гирифтанд.

Ба гуфтаи Ибодулло Қурбонов ғолибони мусобиқа бо медалу ифтихорнома ва тӯҳфаҳои Кумитаи ҷавонон, варзиш ва сайёҳии Тоҷикистон мукофотонида шуданд.
XS
SM
MD
LG