Пайвандҳои дастрасӣ

Дастаи мунтахаби ҷавонони футболи Русия барандаи Ҷоми Иттиҳод-2012 гардид.

Футболбозони ҷавони Русия дар бозии ниҳоӣ 29-уми январ дар маҷмааи варзишию фарҳангии "Петербургский" (СКК "Петербургский")-и шаҳри Санкт-Петербурги Русия бар тими Беларус бо ҳисоби 2:0 пирӯз шуданд.

Ҳарду голро ҳамлагари 21-сола Артём Делкин дар дақиқаҳои 30-юм ва 55-уми бозӣ ба самар расонд.

Ҳамин тариқ, дастаи мунтахаби Русия мақоми аввалро касб кард ва бо Ҷоми Иттиҳод мукофотонида шуд. Тими Беларус мақоми дувумро соҳиб гашт.

Дастаи Укроина, ки бар тими Латвия бо ҳисоби 3:0 ғолиб омад, мақоми севумро азони худ кард. Латвия чаҳорум шуд.

Тими Эрон, ки дастаи Литваро бо ҳисоби 4:0 шикаст дод, дар ҷойи панҷум қарор гирифт. Литва мақоми шашумро каб намуд.

Қазоқистон ҷойи ҳафтум, Молдова ҷойи ҳаштум, Қирғизистон ҷойи нӯҳум, Эстония ҷойи даҳум, Тоҷикистон ҷойи 11-ум ва Туркманистон ҷойи охирин – 12-умро гирифтанд.

Дар мусобиқаи ҷашнӣ, ки барои бори 20-ум баргузор шуд, аввалин бор 11 дастаи мунтахаби ҷавонони то 21-сола аз Ҷомеаи Кишварҳои Муштаракулманофеъ ва Балтик, инчунин, тими ҷавонони Эрон ширкат карданд.

Вале дар ин мусобиқа дастаҳои мунтахаби Арманистон, Гурҷистон, Озарбойҷон ва Узбакистон ширкат надоштанд.

Дастаи мунтахаби ҷавонони Тоҷикистон таҳти сарварии сармураббӣ Салоҳиддин Ғафуров дар Ҷоми Иттиҳод-2012 ҳамагӣ 6 бозӣ анҷом дод. Се бозии дастаи мунтахаб бо натиҷаи мусовӣ хотима ёфт: Тоҷикистон – Литва – 0:0, Тоҷикистон – Эстония – 1:1, Тоҷикистон - Туркманистон - 1:1.

Дастаи Тоҷикистон дар се бозӣ шикаст хӯрд: Беларус – Тоҷикистон – 2:0, Эрон – Тоҷикистон – 5:0, Қирғизистон – Тоҷикистон – 3:1.

Тоҷикистон ягона дастаест, ки дар ин мусобиқа шаҳди ғалабаро начашидааст ва, инчунин, бо ҳисоби аз ҳама бузурги 0:5 аз тими Эрон шикаст хӯрдааст.

Футболбозони ҷавони тоҷик ҳамагӣ се гол задаанд (ҳарсеаш ба ҳамлагар Шодибек Ғаффоров мансуб аст) ва аз дарвозаи худ 12 тӯб сар додаанд.

Натоиҷи бозиҳои Ҷоми Иттиҳод-2012

19-уми январ

Украина – Молдова – 1:0
Қирғизистон – Латвия – 2:3
Русия – Қазоқистон – 1:0
Эстония – Туркманистон – 0:1

20-уми январ

Беларус – Эрон – 0:0
Тоҷикистон – Литва – 0:0
Қазоқистон – Туркманистон - 3:1
Русия – Эстония - 1:0

21-уми январ

Украина – Қирғизистон - 4:0
Молдова– Латвия - 0:0
Беларус – Тоҷикистон - 2:0
Эрон - Литва - 3:0

22-юми январ

Украина – Латвия – 2:0
Молдова – Қирғизистон – 2:1
Қазоқистон – Эстония – 3:1
Русия – Туркманистон – 0:0

23-юми январ

Беларус – Литва – 0:1
Эрон – Тоҷикистон – 5:0

24-уми январ

Бозӣ барои ҷойҳои 9-12-ум Туркманистон – Қирғизистон – 1:3
Бозӣ барои ҷойҳои 9-12-ум Тоҷикистон – Эстония – 1:1

25-уми январ

¼ финал Қазоқистон — Беларус – 2:3
¼ финал Эрон — Латвия – 1:1, аз рӯи пеналтӣ 1:4
¼ финал Украина — Литва – 1:1, аз рӯи пеналтӣ 4:3
¼ финал Русия — Молдова – 2:1

26-уми январ

Бозӣ барои ҷойҳои 9-12-ум Эстония – Туркманистон – 3:0
Бозӣ барои ҷойҳои 9-12-ум Қирғизистон – Тоҷикистон – 3:1

27-уми январ

Бозӣ барои ҷойҳои 5-8-ум Литва - Қазоқистон - 0:0, аз рӯи пеналтӣ - 5:3
Бозӣ барои ҷойҳои 5-8-ум Эрон - Молдова - 3:0
1/2 финал Украина - Беларус 1:1, аз рӯи пеналтӣ 3: 5
1/2 финал Русия- Латвия - 2:1

28-уми январ

Бозӣ барои ҷойи 11-ум Тоҷикистон -Туркманистон - 1:1
Бозӣ барои ҷойи 9-ум Қирғизистон – Эстония - 2:0

29-уми январ

Бозӣ барои ҷойи 7-ум Қазоқистон - Молдова 3: 3, аз рӯи пеналтӣ 5:4
Бозӣ барои ҷойи 5-ум Литва – Эрон – 0:4
Бозӣ барои ҷойи 3-юм Украина – Латвия – 3:0
Финал ё бозии ниҳоӣ Беларус - Русия – 0:2

Машваратдодашуда

Намоиши шарҳҳо

XS
SM
MD
LG