Раисиҷумҳури Иёлоти Муттаҳида, Барак Обама, сафири собиқи кишвараш дар Тоҷикистон ва Туркманистон, Трейсӣ Эн Ҷейкобсонро сафири нави Амрико дар Косово таъийн кард. Хонуми Ҷейкобсон аз дипломатҳои собиқадори Амрико буда, қаблан дар Латвия, Русия ва кишварҳои дигар кор кардааст. Вай феълан ноиби раиси Донишкадаи Хидмати Хориҷии Иёлоти Муттаҳида аст, ки аз марказҳои омӯзишии дипломатҳои амрикоӣ ба шумор меравад.