Пайвандҳои дастрасӣ

Мухолифони қазоқ хостори қатъи "фишори сиёсӣ" шуданд


Мухолифони давлати Қазоқистон аз раҳбарони кишвар даъват кардаанд, ки “фишори сиёсӣ” ба мухолифонро хотима диҳанд. Рӯзи душанбе дар ҷараёни амалиёти тафтиш дар Алмаато Владимир Козлов-раиси ҳизби сабтиномнашудаи “Алға”, яъне “Ба пеш” ва Игор Винявский-сардабири “Взгляд”-нашрияи ин ҳизб боздошт шуданд. Мақомот мегӯянд, ки ин амалиёти тафтиш бо нооромиҳои 16 декабри соли гузашта дар Жаноазен иртибот дорад. Дар изҳороте, ки 30 нафар аъзои ҳизби Миллии Сотсиал-Демократ имзо кардаанд, гуфта мешавад, ки мақомот ба баҳонаи ин нооромиҳо мухолифони худро саркӯб мекунанд.
XS
SM
MD
LG