Пайвандҳои дастрасӣ

logo-print

Боздошти гумонбари ҳамла ба Додоҷони Атовулло


Додоҷони Атовулло

Додоҷони Атовулло

Пулиси Маскав мегӯяд, Бахтиёр Раҳимбердиев, як шаҳрванди 23-солаи Тоҷикистонро бо гумони даст доштан дар сӯъиқасд ба ҷони хабарнигори маъруфи тоҷик Додоҷони Атовулло дастгир кардааст. Муассиси нашрияи «Чароғи рӯз» ва раҳбари ҷунбиши «Ватандор» шаби панҷшанбе дар тарабхонае дар пойтахти Русия ду зарби корд хӯрд, ки якеаш ба ҷигари ӯ асобат кардааст. Ӯро баъди ин ҳамла дар Пажӯҳишгоҳи «Ёрии таъҷилӣ»-и Маскав ба номи Склифосовский ҷарроҳӣ кардаанд ва ба гуфтаи табибон, дигар хатаре ба ҳаёташ таҳдид намекунад. Чор созмони журналистии Тоҷикистон – Иттиҳодияи журналистон, НАНСМИТ, Медиа-Алянс ва АФРӮЗ ин ҳамларо шадидан маҳкум карда ва хостори таҳқиқи фарогири қазия шуданд. Додоҷони Атовуллои 56- сола аз мунтақидони тунди давлати Эмомалӣ Раҳмон дониста мешавад.
XS
SM
MD
LG