Пайвандҳои дастрасӣ

Лионел Мессӣ футболбози беҳтарини соли 2011 эълон шуд. Ҷоизаи “Тӯби тилоӣ”-и ФИФА –Иттиҳодияи ҷаҳонии футбол - имсол ҳам ба футболбози 24-солаи “Барселона” ва тими миллии Аргентина эъто шуд. Мессӣ нахустин бозигарест, ки 3 дафъа паиҳам соҳиби “Тӯби тилоӣ” мешавад. Ӯ дар расми эътои ин ҷоиза дар Сюрих гуфт: “Ин аломати бузургии ин тим аст: Мо алакай ҷоизаҳои зиёдеро бурдем ва мехоҳем ҷоизаҳои боз ҳам бештаре ба даст биорем.”
Рақибони Мессӣ бозигари португалии тими “Реал”-и Мадрид Криштиану Роналду ва бозигари испании “Барселона” Хавӣ буданд, вале Мессӣ бо касби 48 дарсади оро аввал шуд. Ҳомаре Сава аз Ҷопон беҳтарин футболбози зан дар соли 2011 эътироф шуд.
XS
SM
MD
LG