Пайвандҳои дастрасӣ

Посухи сокинон ба суоли "дар 5 соли ахир чеҳраи наве дар ҳайати ҳукумати Тоҷикистон пайдо шуд?" мухталиф аст.

Агар як гурӯҳи мардум бовар доранд, ки дар ин муддат чеҳраҳои наве ҳам ба ҳукумати Тоҷикистон роҳ ёфта, муаррифӣ мешаванд, иддае дигар мегӯянд, дар панҷ соли гузашта ба ҷуз ҷой иваз кардани чеҳраҳои кӯҳан нафари дигареро надидаанд.

Бештари роҳгузарони хиёбонҳои пойтахти Тоҷикистон умедвори онанд, ки дар ҳайати ҳукумати кишвар чеҳраҳои нав, муаррифинашуда, аммо кордону заҳматкаш меоянд ва бо хидмати софдилонаи худ барои беҳтар гардидани зиндагии онҳо саҳм мегиранд.

Ин дар ҳолест, ки бо шурӯи соли нави милодӣ "барканорӣ"-ву таъйини мансабдорон дар сатҳи болоии ҳукумати Тоҷикистон оғоз ёфтааст. Ва мардуми огоҳ бо ишора ба нахустин тағйироти кадрӣ дар ҳайати ҳукумат мегӯянд, ба назар мерасад, ки интизориву умедҳои онҳо имсол низ самарае ба бор нахоҳад овард.

Зеро ба қавли онҳо, соли ҷорӣ низ мисли солҳои пешин тағйироти кадрӣ бо усули "ҷойивазкунии донаҳои шатранҷ" сурат мегирад ва чеҳраҳои наве дар ин миён ба назар намерасад.

"Озодӣ" низ ба роҳгузарони хиёбонҳои шаҳри Душанбе бо ин суол, яъне "Дар панҷ соли ахир оё кадом чеҳрае наве дар ҳайати ҳукумати Тоҷикистон пайдо шуд?" муроҷиат кард.

Посухи мардумро дар навори зер бубинед:



Оё Шумо, хонандагони торнамои "Озодӣ" дар ин марвид чӣ назаре доред ва оё дар ин панҷ сол чеҳрае буд, ки дар ҳукумати Тоҷикистон ба кор таъйин шуда бошад?

Андешаи Шумо

Намоиши шарҳҳо

Озодӣ дар Ютуб

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG