Дар ҳамла ба як калисо дар Нигерия шаш нафар кушта ва 10 тани дигар захмӣ шудаанд. Роҳиби калисо, ки ҳамсари ӯ низ дар ин ҳамла кушта шудааст, мегӯяд, мардони мусаллаҳ ногаҳонӣ ба калисои Насарава дар шимоли Нигерия ворид шуда, ба тирандозӣ сар карданд. Ин идомаи ҳамлаҳоест, ки охири соли гузашта дар назди чанд калисои насронӣ ба вуқӯъ пайваст. Гурӯҳи исломии “Боко Ҳаром” ба насрониён се рӯз вақт додааст, ки шимоли асосан мусулмоннишини Нигерияро тарк кунанд, вагарна кушта мешаванд.
Ҳалокати 6 нафар дар ҳамла ба як калисо дар Нигерия
