Юлия Тимошенко-раҳбари зиндонии мухолифони давлати Украина ва нахуствазири пешини ин кишвар имрӯз гуфт, ки аз ҳукми “шармовар”-и додгоҳ дар бораи 7 соли зиндон шикоят нахоҳад бурд. Раҳбари зиндонии мухолифон дар изҳороте гуфт, ки мурофиаи додгоҳ ба “намоиши ваҳмангез” табдил шуда буд. Вай президент Виктор Януковичро муттаҳам кард, ки низоми адлияи Украинаро хароб кардааст. Вакилони мудофеи вай таъйид карданд, ки дар оянда аз ширкат дар мурофиаҳо худдорӣ хоҳанд кард.
