Австралия бар зидди барномаҳои шубҳабарангези ҳастаии Эрон таҳримҳоро шадидтар кардааст. Кевин Рудд-вазири корҳои хориҷаи ин кишвар дар изҳороте гуфт, ин таҳримҳо афрод ва ширкатҳоеро ҳадаф қарор медиҳад, ки бо мушакҳои болдор ва барномаҳои ҳастаӣ сарукор доранд. Ин дар ҳолест, ки ҳафтаи гузашта дар Теҳрон ба сафоратхонаи Британия ҳамла сурат гирифт ва маҳофили байналмиллалӣ изҳор доштанд, ки таҳримҳоро бар зидди Эрон шадидтар мекунанд.
