Дар Амрико боз як довталаб аз корзори интихоботи соли ояндаи раёсати ин ҷумҳурӣ хориҷ шуд. Ҳерман Кейн, як тоҷири собиқи питса, барои касби номзадӣ аз ҳизби ҷумҳурихоҳ мубориза мебурд. Аммо ӯ ба маҳзи ҳадсу гумонҳое ки пиромуни бадрафториҳои ҷинсии ӯ бархост, аз сабқат берун шуд. Кейн гуфт, ба хотири ҳимоят аз оромии аҳли хонаводааш аз идомаи мубориза даст мебардорад. Ҳерман Кейни сиёҳпӯст бо барномаи 9-9-9-аш, ки то 9 дарсад коҳиш додани молиёти фоидаву фурӯш ва сӯди ширкатҳоро дар назар дошт, маъруфият пайдо карда буд, вале дар як моҳи охир эътибори ӯ башиддат пойин рафт.