Пайвандҳои дастрасӣ

logo-print

Интиқоди тунди оятуллоҳ Хотамӣ аз ҳамла ба сафорат


Оятуллоҳ Аҳмад Хотамӣ

Оятуллоҳ Аҳмад Хотамӣ

Як рӯҳонии аршади Эрон ҳамлаи садҳо эътирозгари тарафдори режими Ҷумҳурии исломӣ ба сафорати Бритониёро ба боди тунди интиқод кашид ва онро “ғайримашрӯъ” хонд. ИСНО аз қавли оятуллоҳ Аҳмад Хотамӣ овардааст, ки мегӯяд, ӯ “сароҳатан мухолифи ҳамла ба сафоратҳо ва ишғоли онҳост.” Ба эътиқоди оятуллоҳ Хотамӣ, чунин ҳамалот назири “таҷовуз ба хоки кишвар” аст. Оятуллоҳ Хотамӣ, ки аз афроди наздик ба раҳбари рӯҳонии Эрон оятуллоҳ Алии Хоманаист, то ҳол тундтарин вокуниш дар дохили Эрон алайҳи ҳамлаҳои ҳамоҳангшудаи рӯзи сешанбе ба сафорат ва як таъсисоти дигари дипломатии Бритониё дар Теҳрон маҳсуб мешавад. Бритониё режими Эронро ба даст доштан дар ин ҳамлаҳо айбдор кард ва дар посух тамоми дипломатҳои Эронро ронд.
XS
SM
MD
LG