Пайвандҳои дастрасӣ

Исландия истиқлоли Фаластинро ба расмият мешиносад


Порламони Исландия қаламрави худгардони Фаластинро ба унвони кишвари мустақили Фаластин ба расмият шинохт. Ин порламон, ки дорои 63 намоянда мебошад, бо 38 райи мувофиқ қатъномаеро дар ин бора ба тасвиб расонд ва эълон кард, ки Фаластинро бо марзҳои ҷанги шашрӯзаи соли 1967 ба расмият мешиносад. 13 намоянда аз додани рай худдорӣ карданд, 12 намояндаи дигар дар иҷлоси порламон ширкат надоштанд. Касе ба ин қатънома мухолифат накард. Тасвиби ин қатънома роҳро барои эътирофи давлати мустақили Фаластин аз ҷониби Исландия ҳамвор мекунад. Вазорати хориҷаи ин кишвар гуфт, Исландия нахустин кишвари ғарбӣ хоҳад буд, ки истиқлоли Фаластинро ба расмият мешиносад.
XS
SM
MD
LG