Раисиҷумҳури Сурия Башор Асад аз пуштибонии Русия ташаккур кард. Вай дар дидор бо раҳбари калисои православи Русия Кирил дар Димишқ «эҳтироми худ»-ро баён дошт ва гуфт, «мардуми Русия ва мақомоти он тарафи мардуми Сурияро гирифтанд.» Асад ҳамчунин ба «равобити таърихии ду кишвари дӯст» таъкид кард. Хабаргузории расмии Сурия САНА мегӯяд, Кирил рӯзи шанбе ба Сурия сафар карда, аз ин ҷо вориди Лубнон мешавад.
