Порлумони Қазоқистон имрӯз Қонун дар бораи авфи умумро тасвиб кард, ки бар асоси он 16 ҳазор зиндонӣ озод карда хоҳанд шуд. Қонуни мазкур ба муносибати 20-умин солгарди истиқлоли Қазоқистон қабул шуд. Ба гуфтаи Амирхон Амонбоев, муовини вазири адлияи Қазоқистон, бар асоси қонун, ноболиғон, занони фарзанддор ва онҳое, ки то ба 5 соли зиндон ҷазо гирифтаанд, раҳо хоҳанд шуд. Дар зиндонҳои Қазоқистон ҳоло 45 800 нафар маҳбус нигаҳ дошта мешавад.