Пайвандҳои дастрасӣ

Дастаи «Регар» дар бозии ниҳоии Ҷоми Тоҷикистон-2011 бар дастаи «Истиқлол»-и Душанбе бо ҳисоби 1:0 пирӯз шуд.

Ин бозӣ имрӯз, 26-уми октябр дар варзишгоҳи «Пахтакори»-и шаҳри Қӯрғонтеппа бо ҳузури тақрибан 10 ҳазор мухлис пуршиддату шавқангез сурат гирифт.

Голи ягонаро дар нимаи дуввуми бозӣ, дар дақиқаи 61-ум Ҷамшед Исмоилов, нимҳимотгари «Регар» ба ҳадаф расонд.

Ба ин тартиб дастаи «Регар» барои бори панҷум барандаи Ҷоми Тоҷикистон шуд.

Дар анҷоми мусобиқа Ғайбулло Афзалов, раиси вилояти Хатлон ва Маликшоҳ Неъматов, раиси Кумитаи ҷавонон, варзиш ва сайёҳии Тоҷикистон ба футболбозону мураббиён ва роҳбарони ҳарду даста тӯҳфаҳо супурданд.

Намоиши шарҳҳо

XS
SM
MD
LG