Дирӯз ҳафтаи фарҳангии шаҳри Табрези Эрон дар Душанбе бо як намоиши театрии мавсум ба “Шоми Табрез” дар театри опера ва балети ба номи С.Айнӣ ба поён расид. Ҳайъати 50-нафарии аҳли фарҳанги Табрез 6 рӯзи аввал меҳмони бародаршаҳраш – Хуҷанд буд. Шаҳрдори Табрез Алиризои Навин гуфт, ки онҳо тайи ин як ҳафта беш аз 100 барномаи фарҳангӣ ба мардуми Тоҷикистон пешкаш карданд. Табрез бо наздики 1 400 000 ҷамъият чорумин шаҳри бузурги Эрон ва маркази маъмурии устони Озарбойҷони шарқист.