Риди Трой: "Дар футболи тоҷик пешравӣ ҳаст"

сентябр 29, 2011

Риди Тройи амрикоӣ, ки дар тими "Вахш" бозӣ мекунад...

Cолҳои ахир дар баъзе аз дастаҳои лигаи олии Тоҷикистон як зумра футболбозони хориҷӣ низ бозӣ мекунанд.

Яке аз онҳо ҳамлагар Риди Трой, шаҳрванди Иёлоти Муттаҳидаи Амрико, мебошад. Ӯ, ки дар Ширкати байналмилалии "Миллениум" дар шаҳри Қӯрғонтеппа фаъолият дорад, ҳамзамон дар дастаи "Вахш" бозӣ мекунад.

Бо ин футболбози 31-солаи амрикоӣ, ки дар муддати кӯтоҳ забони тоҷикиро хуб омӯхтааст, хабарнигори Радиои Озодӣ Нарзуллоҳи Латиф пас аз бозии "Вахш" бо "Регар-ТадАЗ"-и Турсунзода дар варзишгоҳи "Пахтакор"-и шаҳри Қӯрғонтеппа ҳамсӯҳбат шуд.