Мақомоти муваққати Либия мегӯянд, нирӯҳои зидди Муаммар Қаззофӣ ду нуқтаи калидӣ дар роҳ ба сӯи шаҳри Сабҳо дар ҷануби кишварро ба даст овардаанд. Сухангӯи Шӯрои миллии гузор Аҳмад Банӣ гуфт, як ҳисор ва фурудгоҳи Сабҳо озод шуда, худи шаҳр низ то 2 рӯзи дигар ба дасти онҳо хоҳад омад. Сабҳо бузургтарин шаҳри Либия дар Саҳрои Кабир буда, роҳи Нигер низ аз он мегузарад. Ҷангиёни содиқ ба Қаззофӣ дар Банӣ Валид ва зодгоҳи ӯ –Сирт – низ ба муқовимат идома медиҳанд.
