Пайвандҳои дастрасӣ

logo-print

Дастикам 17 кушта дар хушунатҳои Ироқ


Силсилаи ҳамалоти имрӯза алайҳи нирӯҳои амниятии Ироқ дастикам 17 кушта ба ҷо гузошт. Хунинтарин ҳамла, ки мунҷар ба ҳалокати дастикам 13 нафар ва ҷароҳат бардоштани то 50 тани дигар шуд, таркиш дар ҳошияи як ошхона дар шаҳри Мезотия, воқеъ дар наздикии Ҳило буд. Маъмурони амниятӣ одатан дар ҳамин ошхона нон мехӯрданд. Ба бомб бархӯрдани мошини мақомоти амниятӣ дар Ҳаббония, 80–километрии ғарби Бағдод, дастикам 2 сарбозро кушта, 10 тани дигарро захмӣ кард. Ду афсари пулис дар шимоли Бағдод бар асари ҳамлаи чирикиҳо ба як посгоҳ ҷон бохтанд. Ин хушунатҳо дар ҳолест, ки нирӯҳои Амрико бояд то поёни сол аз Ироқ бираванд.
XS
SM
MD
LG