Пайвандҳои дастрасӣ

logo-print

Амниятиҳои Сурия дар атрофи Растан мустақар мешаванд


Фаъолони суриягӣ гуфтанд, нирӯҳои амниятӣ дар атрофи шаҳри марказии Растан, ки маҳалли эътирозҳои зиддиҳукуматии режими Башор Асад будааст, мустақар мешаванд. Фаъолон мегӯянд, ки аз он маҳал садои тирандозиҳои шадид ба гӯш расида, сокинон аз тарси ҳуҷуми амниятиҳо шаҳрро тарк мекунанд. Дар паи саркӯби эътирозҳои зиддиҳукуматӣ дар Сурия аз моҳи март ба ин сӯ беш аз 2200 нафар кушта шуданд. Раҳбарони аврупоиву амрикоӣ аз Асад талаб доранд, ки ба истеъфо равад. Дар як изҳороти шадидлаҳнаш нахуствазири Туркия Раҷаб Тайиб Эрдуғон, замоне шарики наздики Сурия, Асадро ҳушдор дод, ки ӯро сарнавишти раҳбарони Тунису Мисру Либия интизор аст.
XS
SM
MD
LG