Пайвандҳои дастрасӣ

Шоҳидон узвияти Усмонов дар Ҳизбуттаҳрирро рад карданд


Урунбой Усмонов ва вакили дифоъ Абдуқаюм Юсуфӣ

Урунбой Усмонов ва вакили дифоъ Абдуқаюм Юсуфӣ

Дар бинои боздоштгоҳи рақами 2-и шаҳри Хуҷанд мурофиаи додгоҳӣ аз рӯи парвандаи ҷиноии хабарнигори бахши ӯзбакии Би-Би-Си Урунбой Усмонов идома кард.

Ба иттилоъи хабаргузории Азия-плюс, шоҳидон, аз ҷумла, чаҳор нафаре, ки ҳамроҳ бо Усмонов аз рӯи як парванда муҳокима мешаванд, узвияти хабарнигор дар Ҳизбуттаҳрирро рад карда гуфтанд, ки дар бораи аз сӯи ӯ тарғибу ташвиқ шудани ғояҳои ин ҳизби мамнӯъ чизе нашунидаанд. Ду рӯз пеш онҳо - Абдунабӣ Абдулқодиров, Яҳёхон Раҳмонхуҷаев, Талъат Мавлонов ва Иброҳимбек Маҳмудов иқрор карда буданд, ки узви Ҳизбуттаҳриранд.

Урунбой Усмонов дар рӯзи аввали мурофиаи додгоҳӣ ҳар ду иттиҳом - узвият дар Ҳизбуттаҳрир ва пинҳон нигаҳ доштани ҷиноятро рад карда буд.

Хабарнигори бахши узбакии Би-Би-Си 13 июн боздошт ва баъд аз як моҳ шартан аз маҳбас раҳо шуда буд. Боздошти ӯ вокунишҳои манфиии созмонҳои хабарнигорӣ ва ҳуқуқи башар ва дипломатҳои хориҷии муқими Тоҷикистонро ба бор оварда буд.

Мурофиаи навбатии додгоҳӣ рӯзи 23 август дар бинои додгоҳи вилояти Суғд баргузор мешавад.
XS
SM
MD
LG