Анвар Юнусов-муштзани тоҷик дар мусобиқаи қаҳрамонии бокси Осиё дар шаҳри Инчхони Кореяи Ҷанубӣ дар вазни 56 килограм дар даври ниҳоӣ бар рақиби худ Отгондалай Дорҷниамбуу аз Муғулистон пирӯз шуд ва унвони қаҳрамони бокси Осиёро ба даст овард. Дар ин мусобиқот муштзани дигари Тоҷикистон Мададӣ Нағзибеков ба дарёфти мақоми севвум ва медали биринҷӣ ноил шуд. Қаҳрамони нави Осиё Анвар Юнусов 24-сол дорад ва аз чеҳраҳои нави варзиши Тоҷикистон дар муштзанӣ ба шумор меравад.